Apple objavio kada stiže iOS 14!

Objavjeno: 15.09.2020.
Apple objavio kada stiže iOS 14!

Apple je na današnjem Time Flies događaju pored predstavljanja Watch 6, Watch SE, iPad 8 i iPad Air 2020 uređaja najavio kako su iOS 14, iPadOS 14, watchOS 7 te tvOS 14 spremni.

Konkretan datum kada korisnici mogu očekivati navedene nadogradnje na svojim Apple uređajima je srijeda, 16. septembar 2020. godine, odnosno sjutra. S obzirom da je Apple lociran u gradu Cupertino u američkoj saveznoj državi Kalifornija, odnosno kasne 9 časova za nama, nadogradnja će na našim prostorima postati dostupna u večernjim časovima.

Podsjetimo na glavne novosti koje donosi iOS 14, a to su proširena podrška za widgete, zatim App Library odnosno biblioteka aplikacija koje će automatski biti grupisane, slika-u-slici mod koji je već prisutan na iPad-u te nova Translate odnosno aplikacija za prevođenje.

Što se tiče iPhone 12 telefona, Apple se nije oglasio tako da ostaje da vjerujemo glasinama kako će biti najavljeni početkom oktobra.